Ka yung krehkaam ka Krishi Vigyan Kendra, Jaintia Hills da lehkmen ko ya ka “World Pulses Day” hajrong ka phang “Atmanirbhar Bharat-Harnessing potential pulses for import substitution” ha ka 10 tarik uni u bnai ha chnong Namdong, i chnong wa pynkrehkaam ya ka NICRA Project.
Ha katai ka sngi da yoh yei klam pdiang na u Firstborn Sutnga, Senior Research Fellow (SRF) NICRA Project, KVK Jaintia Hills uwa da pdiang sñiawbha ya ki warep wa ki sahep cha kani ka yalang. Da khana u leh yei thong kani ka sngi.
U R. Suchiang, Subject Matter Specialist (AH & Vety),KVK Jaintia Hills da klam u yei emkaam ki jait baam kam u kre wa em boon iwa emkaam i doh i pran ki bru.
U Cheku Aman Pariat, Senior Research Fellow (SRF), ARYA Project, KVK Jaintia Hills da klam u leh yei emkaam kini ki jait baam kam u mator, u dai wa kiwi hawa baam i.
Da yoh leh yei pynyoo kammon wow leh hawa rep ya kini ki jait jhoor da u Firstborn Sutnga, Senior Research Fellow (SRF) NICRA Project, KVK Jaintia Hills khamtam kammon wow thung chyieñ deiwa chimbynta lang ki warep.
Da saam leh ya ki chyieñ cha ki warep wa da em 49 ngut kiwa da chimbynta wa kynthup ya ki kynthai wa ki heh ki chnat wa da wan wow embynta lang.
