Ka 14th National Voters Day kawa da pynman hajrong ka phang “Nothing Like Voting, I Vote for Sure” da lehkmen ka ynne ka sngi ha East Jaiñtia Hills District haka yalang wa da pynman da ka yung krehkaam u District Election Officer ka East Jaiñtia Hills District ha Conference Hall u Deputy Commissioner ha Khliehriat.
U DC hawa e yei klam da ong u wa emkaam u thap Vote wei ka yaleh Election toh kawa khlem leh chiliang deiwa pait ya ka niam, jaitbru, i kyrdan wa kiwi kiwi de. Da pynchlur u leh ya kiwa thap Vote kiwa dang khynroo wow chimkhia yei kaam ram yong ki deiwa mih thap Vote.
Ha kani ka sngi da pynbna yei pyrtuid kiwa yoh yei naam Best Booth Level Officers (BLOs) yong ka 5-Sutnga-Saipung wa 6-Khliehriat Constituency wei da saam leh ya ki EPIC cha kitu kiwa man kam kiwa thap Vote wa thymme.
Hei step da pynman yei yaphet pyllah wa tip kam ka 11 Km Open Marathon Competition kawa da chimbynta da ki chynrang wa kynthai.
Ha ki chynrang da yoh nyngong u Knerlang Phawa, hei wa ar da yoh u Rishanmehi Ryngkhlem katwa yei wa le da yoh u Sting Phawa.
Ha ki kynthai won, ka Rosy Sana da yoh nyngkong ko, hei wa ar da yoh ka Wasaki Phawa katwa hei wa le da yoh ka Rikynti Sana.
Yei phet da pynman nadooh na yung krehkaam warim u DC chadooh Rymbai PHC wei da uiñ biang cha ka thaw wa sdang.
Discussion about this post