Da lehwarom ya 1st Naturopathy Day ka rukom sumaar khlem dawai

Shillong: Hajrong ka thong wow sumaar wei wow yada nei kjut khlem pynemkaam ya i dawai deiwa pynphær yei rukom baam namo ka Naturopathy, da lehwarom ya kani ka rukom sumaar kawa tip kam ka 1^st Naturopathy Day ha Civil Hospital. Shillong.

Ha kani ka sngi u P. Bakshi, Secretary to the Government of Meghalaya, Health & Family Welfare Department cum Director ka AYUSH da man u kam kongsan.

Ya kani ka lehwarom da pynman da ka Yoga and Naturopathy Department of Civil Hospital.

U Bakshi hawa e i klam da ong u wa ka Naturopathy da neh ko kamjooh ha waroh kawi ka pyrthai wei i rukom sumaar man i iwa paka i wym ktah ya i doh i pran. Da kdaw u wa ki por nynde ki bru da pynemkaam ki da iwa e ka rymaw wow sumaar ya kiwa kjut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pynksan u wa ka sorkar kwah ko u pynjanai wei wow pynpoor ya ka AYUSH wei ka jylla embhah ko wow yoh ya ka Directorate of AYUSH kawa pura wei kani ka Directorate yaleh ko wow pynkhlan ya i rukom krehkaam yong ka.

Kawa e i klam waiphang ka Dr. (Mrs.) L Papiah, Yoga and Naturopathy Physician, Civil Hospital Shillong da batai ko ya iwa sdang wa rukom sumaar Naturopathy. Da batai ko leh ya ki kaam wa da leh u Mahatma Gandhi, ya uwa da tip leh kam India’s Father of Naturopathy, heiwa da pynche pynsñiawthooh u ya i myntoi ka Naturopathy hapoh ka ri.