Chirup wa ka ri waroh kawi, ka Meghalaya leh da lehwarom ko ya ka 11th National Voters’ Day 2021 ha Raj Bhavan, Shillong heiwa u lat ka jylla, u Satya Pal Malik da man u kam u kongsan.
Ka phang yong kani ka National Voters’ Day ynne ka sngi toh, “Making our voters Empowered, Vigilant, Safe and Informed.”
U Satya Pal Malik hawa e yei klam da yaroh u ya ki kaam wa leh da ka yung krehkaam u Chief Electoral Officer wa ki District Election Office wow pyntikna wa waroh embynta ki wow jied ya kiwa mihkhmat deiwa pynrap leh wa neidaw ka khlam COVID-19, ka chnat Election da pathai ko ya ki yutip lyngba ki kor pynemkaam Internet wei da sdang pynmih leh ya ka E-EPIC kawa ye u rah wei wow Download.
Da ong u leh wa man iwa sñiawsarong wa ka Meghalaya da yoh ko ya ka Best Electoral Practices Award 2021 heipor wa pynman ya ka 2018 Assembly Election da ka Election Commission of India deiwa kyrmen wa ka chnat daw kreh chooh chooh ko sam chaphrang.
Ka I. Laloo, Deputy Commissioner, East Khasi Hills, da ban joor ko yei chimbynta ki khynroo khyllood ha i jied ya kiwa mihkhmat wei i em ka khlam COVID-19 da chem chiboon i eh i khoo heiyatoh wa ini i kaam.
Da ong ko leh wa ka yung krehkaam District Election Office da yakreh ko wa ki khlieh synchaar chnong kam ki waheh chnong, ki Sordar wa kiwi kiwi wow e yutip ya ki paidbah.
Ha kani ka sngi da ekti leh ya ki Prize cha kiwa jop yong ki yakob wa pynman da u Chief Electoral Officer chirup wa ka Meghalaya Model United Nations.
Ha kani ka sngi, hei step ka Deputy Commissioner, East Khasi Hills, da kaweh lama ko leh ya ka Wheels of Democracy Cycle Rally na Meghalaya Bharat Scouts & Guides, Shillong kawa da kut won ha Raj Bhavan, Shillong.
