Shillong: Chirup wa ka pyrthai waroh kawi, ynne ka sngi da lehwarom ya ka 4th International Day of Yoga Day ha kylleiñ ka sor Shillong.
Ha Laban Sports Club, Shillong u montri ka tnat i chait i khiah, u A. L. Hek da man u kam u kongsan ha ka yalang wa pynman da ka Director of Ayush, Government of Meghalaya.
Heini da wan chimbynta da ki khynnah, ki khynroo khyllood wa ki waheh na Laban Sports Club.
Ya kani ka lehwarom da pynman leh ha ka skur St. Joseph Higher Secondary School, Jaiaw heiwa da yachimbynta da kamwa 150 ngut ki khynnah skur na ki skur wa kynthup ya ka Seven Hut School, St. Joseph Girls Higher Secondary School wa ka Seng Khasi Higher Secondary School.
Da wan wai ya kani ka program da u MLA ka thaiñ u Adelbert Nongrum, Rangbah Shnong ka Jaiaw, u SB Kharbangar wa ka Principal ka St. Joseph HSS.
Ya i leh Yoga da leh heipor step heiwa da wan yah ya kini ki khynnah da ka Panchaly Bhattacharjee.
Discussion about this post