Shillong: Ka 66th All India Cooperative Week da sdang u lehwarom ya ka ynne ka sngi ha waroh ka ri hajrong ka phang ‘Role of Cooperatives in New India’ wow pynche yei rukom krehkaam chirup namo Cooperative awareness.
Ha Meghalaya, ha East Khasi Hills da lehwarom ya ka hajrong ka phang ‘Innovation through Rural Cooperatives’ ha Anton Hall, Shillong.
Ha kani ka sngi u Commissioner & Secretary, Cooperation, Dr. D Vijay Kumar da man u kam u kongsan ha ka yalang wa pynman da ka Department of Cooperation, Government of Meghalaya, ka Office of the Registrar of Cooperative Societies, Meghalaya, Meghalaya Cooperative Apex Bank Ltd, Shillong chirup wa ki State Level Cooperative Federations.
Ha ka yalang da pynkup burom leh ya ki Cooperative Society ka jylla kam ka Cooperative Milk Union Limited of Shillong, East Khasi Hills, Urlong Tea Integrated Village Cooperative Society Mawlyngngot, Cooperative Societies na Laitjem, Phulbari wa Mookyndeng. Ka Meghalaya Cooperative Apex Bank Ltd leh da chah pynkup burom ko hadien wa da man em pyrtuid ko hapoh ka Second Schedule of the Reserve Bank of India Act, 1934.
Kiwi kiwa da klam ha kani ka sngi kynthup ki ya u Y K Rao, General Manager, NABARD, Meghalaya wa u Chairman MCAB, u M Syiem.
Discussion about this post