Ka Meghalaya Bharat Scouts & Guides ynne ka sngi da lehwarom ko ya ka 71st Foundation Day and Flag Day ha State Headquarters, MBSG, Shillong heiwa u Meghalaya Chief Electoral Officer wa Vice President ka MBSG, u F R Kharkongor da man u kam u kongsan wei da thung leh ya u P. Ryngksai kam u Treasurer ka MBSG.
U F R Kharkongor hawa e i klam ha kani ka sngi da ekhublei u ya kiwa chah pynkup burom wa kiwa e mynsien ya ki khynnah Scouts and Guides.
Da ong u wa wot hapyrdi i wan ka khlam COVID-19 ha ki 2 snem wa dadep ki khynnah da wan ki chaphrang wow pynman ya ki programme, i pdiang dkhot, i esikai wa kiwi kiwi. Da kyntu u leh wa emkaam wow sdang noh ya ki rukom krehkaam katkam ka juk Internet (Online) wa katni heiwa ki Scouts and Guides wow yajan ki iwi ya iwi.
Chooh chooh da kyntu u wow chimbynta chongchit ki ha i lehkmen dap 50 snem ka jylla wa 75 snem ka ri.
Ha kani ka sngi da ekti leh ya ka Rajya Puraskar Certificates cha ki 20 ngut ki Guide, 7 ngut ki Ranger, 6 ngut ki Scouts wa 3 ngut ki Rovers. Da e leh ya ka Meritorious Awards and Achievements cha kiwa da heh da chran yong ka seiñ.
