Ka International Women’s Day ynne ka sngi da lehwarom ya ka ha Community Hall, Latyrke, East Jaiñtia Hills District wei ya kani ka yalang lehwarom da pynman da ka District Legal Services Authority (DLSA), East Jaiñtia Hills District, Khliehriat.
Ha kani ka sngi, u D.S. Marbaniang, Chief Judicial Magistrate cum Secretary DLSA, East Jaiñtia Hills District da khana u ya ka parom wa tbian yong ka International Women’s Day heipor ka Socialist Party of America da pynman ko ya ka Women’s Day ha New York City ha ka 28 Thohlakhmi (February) 1909.
Da khana u leh kammon wa kiwa mihkhmat na Germany tyrwa ki ha ka 1910 International Socialist Women’s Conference wow tipmit ya ka sngi ki kynthai.
Ha uni u snem ka phang yong kani ka sngi toh “Choose to Challenge”.
Kiwi kiwa da klam ha kani ka sngi toh ka M. War, Additional Public Prosecutor Khliehriat, u R. War, Legal Aid Counsel (LAC), ka D. Lyngdoh, Para Legal Volunteer (PLV), OSC Khliehriat, u R. Malang, Waheh Chnong ka Latyrke, u Apmon Pachiang, Waheh Chnong ka Mollamylliang, u K. Suja, Waheh Chnong ka Tangnup, ka D. Huwa, dkhot ka Shiborlang Group wa ka S. Pdang kawa da e ya ki kyntien khublei.
Chwa wow sdang ka lehwarom da yoh yei rwai na ki khynnah ka Hold Infant Upper Primary School, Latyrke ya kiwa da yahkhmat da u Head Master, B. Sutnga.
