Jowai: Ynne ka sngi da lehwarom ya ka International Women’s Day namo ka sngi wa kyrpang yong ki kynthai ha chnong Rakabah wa ha Umladang, West Jaintia Hills.
Ya kani ka lehwarom da pynlai da ka National Rural Livelihood Mission (NRLM) chirup wa ki Village Organisation namo ki seiñ kynthai na kini ki chnong.
Ha kani ka sngi da wan chimbynta da ki manbei wa em hapoh yong ki Self Helf Group (SHG) yong kini ki ar chnong heiwa da yoh ya ki lehke waphær waphær.
Ha kani ka lehwarom da emlang kiwa kitkaam ki chnong heiwa da yoh leh ya ki kyntien sneiñ kyntu ya ki manbei wow nang ku ki chaphrang.
Discussion about this post