Da lehwarom ya ka lyngkhooh snem wa ar yong ka Skur Hikai Niamtre ka Mukhla Nongrim

Jowai: Ka Seiñ Kyntu Dorbar Niamtre ka Mukhla Nongrim da lehwarom ko ya ka lyngkhooh snem wa 2 yong ka Skur Hikai Niamtre ynne ka sngi ha ka Dorbar Hall ka Chnong Mukhla Nongri heiwa u Dolloi ka Elaka Jowai, u Puramon Kynjin da man u kam u kongsan.

Ya kani ka programme da pynlai da u Ryngkat Sari uwa man leh u President ka Seiñ Kyntu Dorbar Niamtre Mukhla Nongrim wei da yoh ya ki kyntien ngooh blai na ka Wish You Sari wei da yoh leh ya i rwai pdiang burom na ki khynnah skur yong kani ka Skur Hikai Niamtre wei da pynbood won da ka Traditional Dress Fashion Show, ka Drama wa tbian, ki chaad tynre na ka Seiñ Raij Wahiajer.

Ha kani ka programe chwa wow poi cha ki bynta wa bood da yoh ya i klam pdiang burom na ka Secretary Ka Seiñ Kyntu Dorbar Niamtre ka Nari Sumer wei kamjooh leh da yoh ya ka bui krehkaam ka seiñ, da yoh leh ya i klam hajrong ki phang na ki waheh wasian kam na u Wanbha Lyndoh uwa man kam u Langdoh Niam ka Raij Mukhla hajrong ka phnag “Balei ngi hap ban knia ne lehniam knia”, u Treyo Lyngdoh hajrong ka phang ka “Kamram ki Khun Samla ha ka jingleh niam lehrukom bad ka kam shongka shongman” wei da yoh leh yei klam na u Ket Suna.

U Kamnipaia Chalam won da klam u hajrong ka phang “Ka Yoga bad balei ngi hap ban leh Yoga bad kaei ka ioh myntoi na ka jingleh Yoga” wei khaddooh da yoh ya ki kyntien sneiñ kyntu na u Dolloi ka Elaka Jowai hajrong ka phang “Tip Briew Tip Blei”.