Shillong: Man u snem ka 1 Naichiphaw da lehwaron ya ka kam ka National Voluntary Blood Donation Day (NVBDD) wow pynche pynsñiawthooh yei emkaam wow e snaam sñiawbha.
Ha uni u snem ka lehwarom da pynman hajrong ka phang “At Least Donate Once in a Lifetime” wow kyntu ya kiwa palat 18 snem wow e snaam sñiawbha wow yarap ya kiwa chitom saja.
Ka State Level Observation of NVBDD da lehwarom ya ka ha Conference Hall ka Pasteur Institute heiwa ka Deputy Commissioner ka East Khasi Hills District, ka M War Nongbri da man ko kam ka kongsan hei emlang ki heh ka chnat i chait i khiah, ki khynnah skur, wa kiwi kiwi.
Ya kani ka lehwarom da pynman da ka Meghalaya AIDS Control Society chirup wa ka Meghalaya State Blood Transfusion Council, Directorate of Health Services (Research) wa waroh ki Licensed Blood Banks.
Ka DC hawa e i klam da ong ko wa i e sñiawbha ya i snaam man i iwa emkaam tam ha ka juk wa katni. Da ong ko wa i e snaam sñiawbha ym du yarap i wow pynim ya kiwa kjut tangwa wot ya kiwa e sñiawbha ha ki Blood Bank khnang wow tip ki yei man i long i doh i pran yong ki.
Da kyntu ko leh wa emkaam wow pynman ya i pynsñiawthooh hajrong kani ka phang deiwa krehkaam lang wa ki VEC, ki Dorbar chnong wa ki seiñbhalang.
Kiwi kiwa da klam toh ka Dr. (Mrs) C Budnah, Member Secretary, SBTC, Meghalaya.
Ha kani ka sngi da pynkup burom leh ya ki dkhot ka Ai Jingim Voluntary Blood Donors Organisation, kawa em 54 ngut ki dkhot kiwa da e snaam sñiawbha kattu la 10 snem tam.
Da pynman leh ya ka Voluntary Blood Donation Camp ha Regional Blood Bank, Pasteur Institute, Shillong kam wow lehwarom ya kani ka sngi.
Discussion about this post