Shillong: Chirup wa ka ri waroh kawi da lehwarom ya ka National Voters’ Day ynne ka sngi ha Ward’s Lake heiwa u Additional Chief Secretary, u H. Marwein da man u kam u kongsan.
Hawa e yei klam ha kani ka sngi u H. Marwein da ong u wa sñiawkmen u wow embynta wa ka ri wa heh dooh ka synchaar paidbah tangwa ini daw man i iwa sepai lada ki paidbah hi ym chimbynta ki ha ka Election khlem i tieñ i sorsa.
Da pynrap u wa ka State Election Commission da kreh chitom ko wow pyntikna wa waroh kiwa da kynjoh rta wa kiwa emhok wow thap vote u pynpsiah pyrtuid ki.
Chooh chooh da kyntu u ya kiwa thap Vote thymme kiwa man leh ki khynroo khyllood wow sian ki hawa jied ya kiwa mihkhnat neibhah ki toh ki wow rai ya ka mynried.
Ha kani ka sngi da wai leh ya ka 1950 VVIP (Voter verification & Implementation Programme) Helpline kawa ye kiwa thap vote wow pyntikna yei pyrtuid yong ki wa kiwi kiwi.
Da saam leh ya ki khusnaam cha kiwa jop ya ka RUN FOR DEMOCRACY kawa da pynman ynne i step wei da ekti leh ya ki Electors Photo Identity Cards (EPIC) cha kiwa thap Vote wa thymme.
Da pynman leh ya ka Photography Competition, Zumba Fitness, wa ka Rock concert ha kani ka sngi.
Kiwi kiwa da em ha kani ka sngi toh ka Deputy Commissioner, East Khasi Hills wa man leh ka District Election Officer, ka M War Nongbri wa u Additional CEO, R P Marak.
Discussion about this post