Jowai: Ka Ia Ksoh Kti Lang Tuberkmai Shnong Society hei yakrehlang wa ka Nehru Yuva Kendra (NYK) Jowai da lehwarom ko ya ka Rashtriya Krida Diwas kawa man leh ka National Sport Day ha ka chnong Tuberkmai Chnong hajrong ka thong wow pynchlur ya kiwa chong chnong wow synniang ki ha ka kaam yalehke sports.
Ha kani ka sngi ka Beatify Synnah kawa man ka ex-NYV Jowai kawa da khana wo ha kani ka sngi wa ka 29 Naisaphra khlieh snem da kynmoo ya ka kam ka National Sport Day.
Da ong ko wa ya kani ka sngi da lehwarom ya ka sngikha u Dhyan Chand Singh neibhah wa man u uwi na ki khloor ka ri India ha ka yalehke Hockey uwa da yarap wow yoh ya ka takma ksiar ha u snem 1928, 1932 wa 1936. Da thap u palat 400 goal haka International Career yong oo, uwa da psiah kaam chipai hapoh ka Indian Army ha i rta wa dang 16 snem.
Ha kani ka sngi da em kamwa 80 ngut kiwa chong chnong da wan ap ki ya kani ka programme, heiwa da pynman leh ya ki kattu katni ki yalehke kam ka marathon Race, yakhun kti, taan tylle, ka high jump, long jump wa ka football.
Hawa pynkut ya kani ka programme u Secretary yong ka seiñ da e u ya ki kyntien khublei ya waroh.
Discussion about this post