Amlarem: Ynne ka sngi ka District Legal Services Authority, West Jaiñtia Hills District, Jowai da lehwarom ko ya ka sngi ki bru wa da heh rta namo ka World Senior Citizen’s Day ha Amlarem.
Ka D. Sohtun, Sectretary District Legal Services Jowai, da pynche ko hajrong i myntoi kani ka program deiwa kyntu ya kiwa em wow burom ki ya kiwa heh rta khamtam ki tymmen.
U F.S. Suiam, Legal Aid Counsel, da pyntip u hajrong ki scheme hapoh ka NALSA neibynta kiwa da heh rta wei wow yada ya i hok yong ki.
Ka J. Kharpuri, Addl. Deputy Commissioner i/c Amlarem Sub-Division, da ong ko wa i lehbeiñ ya kiwa heh rta toh iwa ye u pynchitom katkam ki kyndon ka aiñ kamtæ da kyntu ko ya ki dorbar chnong wow chimkhia lada chem ki kam ini i chah lehbeiñ cha ki bor ka aiñ.
Kiwi kiwa da klam ha kani ka sngi toh Dr. A. Khonglah wa u P. Tariang, SDPO.
Discussion about this post