Shillong: Chirup wa ka pyrthai waroh kawi ynne ka sngi da lehwarom ya ka International Women’s Day 2019 namo ka sngi wa kyrpang ki kynthai, wei ya kani ka lehwarom da pynman da ka District Social Welfare Officer, East Khasi Hills, Shillong hei yakrehlang wa ka District Programme Office, ICDS Cell, East Khasi Hills wa ka Ri Bhoi District ha Mawlai Mawtawar, Shillong hajrong ka phang “Think Equal, Build Smart, Innovate for Change”.
Ka Deputy Commissioner ka East Khasi Hills District, ka M. War Nongbri da man ko kam ka kongsan hei emlang ka P. Suchiang, District Social Welfare Officer, East Khasi Hills, u I. R. Kharshyndong wa u K. Nongdhar, Rangbah Shnong wa Secretary, Mawtawar wa kiwi kiwi.
Ka War hawa e yei klam da ong ko wa ka Meghalaya hanla man ko ka jylla kawa kheiñkor ya ki kynthai tangwa kheiñkor ko leh yei stat i tip khamtam wow e i sneiñ kyntu ya kiwa dang khai khyllood wow lai ki ha ka luti wa miat. Da pynkynmoo ko leh wa ka manyung mansem hi man ko kawa emkaam bha wow yada ya ki khon na ki kaam wa man pyrchah ya ki kynthai wa ki khynnah khamtam deiwa sdang chwa na yung na sem.
Kiwi kiwa da klam ha kani ka sngi toh ka P. Suchiang, District Social Welfare Officer, East Khasi Hills, ka C. Lyngdoh, DSP, East Khasi Hills District, ka muktiar Daisy Thangkhiew, wa kiwi kiwi.
Discussion about this post