Da lehwarom ya ka sngi wa sdang ya ka seiñ kiwa chna film ha jylla

by Wyrta Staff

June 21, 2019

Reading Time: 1 min read

Shillong: U montri ka chnat Urban Affairs, u Hamlet Dohling ynne da man u kam u kongsan ha ka 9^th Foundation Day of Meghalaya Film Maker’s Association (MeFiLMA) kawa da pynman ha U SoSo Tham Auditorium, Shillong.

U Hamlet hawa e i klam da eyaroh u ya ka seiñ kawa da chimkhia wow pynku ya kaa kaam chna film hapoh jylla.

Da kyntu u leh wow pynmih ya ki film kiwa kiwa em yumut khnang wow myntoi ki paidbah.

Chwa ini u Commander Shangpliang, President MeFiLMA hawa e yei klam da khana u kattu katni ki bynta kiwa chem chitom kiwa pynmih film hapoh ka jylla heiwa da e u leh ya ka dorkhat ha u montri.