Da lehwarom ya ka sngi wa tip kam ka ‘World Food Day’ ha Jowai

Jowai: Kam chi bynta i lehkmen ya ka sngi “World Food Day” hajrong ka phang “Change the future of migration invest in food security and rural development” ynne ka sngi ka yung krehkaam ka District Agriculture Office (DAO), ka Krishi Vigyan Kendra (KVK) wa ka Agriculture Technology Management Agency (ATMA) West Jaiñtia Hills District, hei yakrehlang waka KVK Rymphum Jowai heiwa da em leh ki warep na ki chnong waphær waphær ha ka yalang wa pyllai da u L. Laloo, District Agriculture Officer da kynmo warom ki ya kani ka sngi wa kyrpang.

I thmu kani ka phang ha uni u snem toh wa kammon wow thooh ki luti wow kyntu yei rep i riang ha ki thaiñ nongkyndong khnang wa ki bru yow lait ki u yut chnong na kawi ka thaw cha kawi tawon kam cha ki sor wow thooh khih thooh kreh wei wow yow yei baam i dih iwa pahooh.

Ha kani ka sngi ki sahep da pynsñiawthooh ki yei kaam rep neibynta wow dap i baam kamjooh wow yoh myntoi ki hi, da kyntu ya ki wow chimkhia ki la iwon iwon i kaam wa leh ki la hei rep næ i ri mrad wa kiwi kiwi wei emkaam wow sumaar ya ki khnang wow ye ki u pynmih chiboon ya ki mar.

Chooh chooh da kyntu ya kiwa rep wa emkaam wow rep ki katkam wa chah i thaw wow thung ya ki mar rep khnang wow ye u pynmih rap boon wot hadooh wow yoh u dai.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U kongsan ha kani ka sngi u D.M. Wahlang ADC West Jaiñtia Hills, hawa e i klam kam u kongsan da ong u wa hapoh ka ri India 70 naka 100 ngut ki bru toh kiwa imja nei kaam rep weiwa neini i daw ka sorkar da pynmih ko chiboon ki scheme e yarap cha ki warep, kamka ka scheme mylla 100 sngi kawa e khih ya kiwa rep wa kiwi kiwi ki scheme.

Kiwi won kiwa da klam ha kani ka sngi toh u R. Rymbui Superintendent of Fisheries, ka M. Kharbudon DAHVO, Jowai, u B. P. Marweiñ ASCO (Cash Crop) u M. J Syngkon, Senior Scientist and Head KVK, Jowai wa kiwi kiwi.

Ha kani ka sngi neiliang u L. Laloo, District Agriculture Officer da pyntip u wa ym slem de daw yoh yaka scheme yarap wow pynyoh kor pynpoi um cha ki hali kawa chongdor T. 20 hajar kawi katwa kiwa rep won haap su ki du T. 1,000 wei ya kani ka kor daw yoh lyngba ka tnat Agriculture kamwa 75 tylli ha West Jaiñtia heiwa da kyntu u leh ya ki paidbah wow wan mih cha ka yung krehkaam u hei yatoh wa kini waroh.