Ka District Swachh Bharat Mission Grameen, West Jaiñtia Hills District kamwa jooh man-u-snem da pynman ko ya ka Swachhata Hi Seva heiwa ha uni u snem leh da sdang ka lehwarom nadooh ka 15 tarik uni u bnai heiwa da pynman ya ki yalang wa boonjait.
Ya kani ka lehwarom da pynkut ha Khimmusniang Dorbar Hall (Pohkseh) ynnin ka sngi heiwa u Wailadmiki Shylla, MLA ka Jowai Constituency da man u kam u kongsan katwa ka DD Syngai ADC da man ko kam ka symbood kongsan.
Ha kani ka sngi da emlang leh ka R. Kynjing, EE RWS Jowai Division kawa man leh ka Member Secretary yong ka DSBM (G) WJHD.
Da saam leh ki Certificate cha ki khynnah skur kiwa da jop ha ki yakob Slogan Writing wa ka Poster Competition wei da saam leh ya ki Certificate cha ki chnong wa haap ha Thadlaskein, Laskein wa Amlarem C&RD Block kiwa da man kam ki ODF Plus Village namo kiwa da biang paikhana.
Da chim leh ya ki kyntien kular wow pynduna u pynemkaam ya ki Single Use Plastic wei wym hoi u noh khiar ya ki jhep cha luti syngieñ kamjooh ha ki chnong ki thaw.
