Shillong: Ka Women in Aviation International, India Chapter wa ka Lockheed Martin Corporation chirup wa ka Airport Authority of India (AAI) ynne da lehwarom ko ya ka Girls in Aviation Day ha Shillong Airport hajrong ka thong wow pynchlur ya ki kynthai wow kreh ki ha ki bynta wa yatoh wa ki lieñsuiñ.
Kani ka lehwarom man ko kam chibynta yong ka thong ka Lockheed Martin wow pynku wei wow pynpliah ya ki Engineer, wa ki Scientist ha India wei man ko leh kam chibynta yong ka Skills India Initiative.
Chibynta yong kani ka program, Women in Aviation International (India Chapter) da khut ya 30 ngut ki khynnah na ki skur wow uiñke ki ha Shillong Airport heiwa neini ye ki wow booh thong wow kreh mynried kam ki Air Traffic Controller, Airline Dispatch, Pilot, Aviation Maintenance Technician, Aeronautical Engineer, Aviation Management wa kiwi kiwi.
Chooh chooh da yah leh ya ki khynnah cha ka ATC Tower, Airside, Terminal Building wa AOCC heiwa da yoh ki wow thooh bniah deiwa kylli yillu na ki bru chemphang wa em heitæ.
Ha kani ka sngi da emlang ka Radha Bhatia, President, Women in Aviation International (India Chapter) u Phil Shaw, Chief Executive, Lockheed Martin India Private Limited, ka Noopurr R Chablani, Secretary Women in Aviation International (India Chapter), u Jagmohan Singh, Regional Director India, Sri Lanka & Maldives with Lockheed Martin India Private Limited, ka Tanima Nigam, Assistant General Manager (Maintenance Training Organization) Air India Engineering Services Limited wa u Manish Kumar Agrawal, Airport Director, Shillong Airport.
Discussion about this post