Shillong: Da lehwarom ya ka World Blood Donor Day 2018 ynne ka sngi hajrong ka phang “Be there for someone else. Give blood. Share life” ha ka yalang wa pynman ha Raj Bhawan, Shillong heiwa u lat ka jylla, u Ganga Prasad da man u kam u kongsan.
U lat hawa e i klam da yaroh u ya kiwa e snaam sñiawbha neibhah wa man ki ka bynta wa kongsan ha i chait i khiah deiwa pynrap wa i e snaam sñiawbha yarap bha i heipor wa emkaam snaam wa jhan heiwa waroh ki dkhot ka imlang sahlang ye ki u em bynta heini deiwa e snaam waroh chi snem.
Ha kani ka sngi, ka Dr. R. Allya, Deputy Director, DHS(PI) kawa man leh kam ka Member Secretary, State Blood Transfusion Council, Shillong da klam ko hajrong ka phang “Importance of Blood Donation” hajrong ka phang wa yatoh wa kani ka sngi.
Khlieh snem ka 14 tarik uni u bnai da lehwarom kam ka World Blood Donor Day wow pynche wei wow pynsñiawthooh paidbah hajrong i emkaam wow e snaam yow yarap ya kiwi.
Ha uni u snem da khana ya ki parom heiwa i e snaam sñiawbha da yarap i wow yada ya kiwi ki mynsien bru neibhah i e snaam yarap i leh wow wanrah ya i doh i pran wa chait wa khiah.
Ynne ka sngi u lat da pynkupburom u ya ki Voluntary Blood Donor Organizations wa ki Regular Voluntary Blood Donors.
Kiwi kiwa da e i klam toh ka Dr. S. Lyngdoh, Project Director, Meghalaya Aids Control Society, Shillong, Dr. H. Dkhar, In-Charge Blood Bank, Nazareth Hospital, Shillong & Member, State Blood Transfusion Council, Meghalaya wa u S, Thangkhiew wa kiwi kiwi.
Discussion about this post