Shillong: Chirup wa ka pyrthai waroh kawi ka yung krehkaam District Agriculture Officer, South West Khasi Hills District, Mawkyrwat ynne ka sngi da lehwarom ko ya ka World Food Day 2018 hajrong ka phang “Our actions are our future”, ha Multipurpose Hall, Deputy Commissioner’s Office, Mawkyrwat heiwa ka Isawanda Laloo, Deputy Commissioner ka South West Khasi Hills District da man ko kam ka kongsan.
Ka Laloo hawa e i klam da ong ko wa da leh warom ya kani ka sngi toh wow pynkynmoo ya ki warep wow pynboon ki ya ki mar rep ki khnang wow pynwiar yei yap thngan wa i dooh i duk nadooh u snem 2030.
Da ong ko wa ki warep man ki ka bynta wa kongsan tam wow pynmih mar baam wei wow pynku pynmiat ya ka khayi pateiñ.
Da kyntu ko ya ki warep wow thung boonjait ki mar rep wow pyndap pynbiang ya ki mar baam wei wow man kiwa yakrehlang wa kiwa yatylli khnang wow ye u pyndap yei emkaam mar baam hapoh ka ri wei wow pynneh pynsah ya ka rymaw.
Ha kani ka sngi da em leh ka Technical Session heiwa u G. Nongrang, District Horticulture Officer, Mawkyrwat & Agricultural Technology Management Agency (ATMA), Mawkyrwat da man u kam u bru chemphang chirup wa u R. Langstieh, Director of Agriculture.
Ha kani ka sngi u B. Shylla, District Agriculture Officer, South West Khasi Hills District da e u ya ki kyntien pdiang burom katwa u S. Syiemlieh, Assistant Director of Agriculture, South West Khasi Hills District da e u ya ki kyntien e khublei.
Discussion about this post