Khliehriat: Ka World Food Day da lehwarom ya ka ynne ka sngi da ka yung krehkaam District Agriculture Office, East Jaiñtia Hills District hapoh ka phang “Our Actions are Our Future” heiwa u DC ka District, u F.M. Dopth da man u kam u kongsan.
Neiliang ka R.K. Blah, District Agriculture Officer da ong ko wa ki kaam yong ki bru wow pynsih ya ki soodong sookun nadooh i pam khloo, i pynjakhlia ya ki um da ktah bha i ya waroh katwa kamtæ da emkaam wow sdang u thung ya ki dieñ wow pynkhooid biang ya ka la-ær.
Da batai ko leh chaphang ka Pradhan Mantri Kisan Mandhan Yojana Pension Scheme neibynta ki warep kiwa da kynjoh 18 snem hadooh 40 snem i rta wow Register ki hapoh kani ka Pension Scheme deiwa lai mih ha ki Common Service Centers (CSCs) deiwa rah leh ya ki Aadhaar Card, Bank Passbook namo ki Account Detail.
U F.M. Dopth, da kyntu u ya waroh wow baam ya ki baam wa tei yei doh i pran kiwa ye leh u yada na ki kjut waphær waphær. Da kyntu u leh wow Register hapoh ka Pradhan Mantri Kisan Mandhan Yojana Pension Scheme ka wow yarap bha ya ki.
Da ong u leh wa ka Aadhaar Card man ko ka kot wa emkaam tam katkam wa man katni wei khnang wow yoh myntoi na ki Scheme sorkar emkaam wow em ya kani ka Aadhaar Card deiwa kyntu leh ya ki warep wow yaleh ki ya kani ka Card.
Ha kani ka sngi kiwi kiwa da klam toh u D.B. Dhar, ka M.J. Shylla, PDATMA, Khliehriat, u E. Laloo DS&WCO, u H. Phawa, District Manager wa u P.S. Suchen uwa da e ya ki kyntien khublei.
Discussion about this post