Shillong: Ka World Homeopathy Day da lehwarom ya ka ynne ka sngi heiwa u Additional Chief Secretary and Chairman, Meghalaya State AYUSH Society, u P W Ingty da man u kam u kongsan katwa u Secretary, Health & Family Welfare cum Director, AYUSH u Pravin Bakshi da man u kam u symbood kongsan.
U P W Ingty hawa e yei klam da ong u wa ka AYUSH man ko ka chnat kawa da sdang ku bha wei em ko ka byntawa khroo hei wow e sumaar cha ki paidbah. Da kyntu u ya ki doctor wow pynneh ki ya kani ka rukom sumaar khlem pynkhleh hawa e dawai.
Neiliang u Pravin Bakshi da pyntip u wa da ku bha ka rukom e dawai AYUSH hapoh jylla wei man ko ka bynta wa kyrpang hapoh ka Health Department deiwa pynrap wa da ku bha ko ha kylleiñ ka pyrthai. Da yooluti u leh wa neini chakhmat daw yoh noh ya ka AYUSH Directorate hapoh jylla.
Ha kani ka sngi da saam leh ya ki Certificate cha ki Graduating Doctors wei da pynkupburom leh ya ki kattu katni ngut kiwa e dawai Homeopathy napoh jylla.
Discussion about this post