Khliehriat: Ka World Literacy Day da lehwarom ya ka ynne ka sngi ha Khliehriat West Community Hall, East Jaiñtia Hills District. Ya kani ka lehwarom da pynman da ka yung krehkaam District Mission Coordinator, SSA- SESAM, East Jaiñtia Hills District chirrup wa ka State Project Director, SEMAM, Meghalaya, Shillong wa ka Director of School Education and Literacy, Government of Meghalaya, Shillong. Ha kani ka sngi u S.L. Lyngdoh, SEO, Joint Director, West Jaiñtia Hills District da man u kam ka kongsan heiwa ka thong yong kani ka sngi toh “Knowledge is Power, Information is Liberating”.
Kiwi kiwa da em ha kani ka sngi toh ka Jennyfer Synrem, State Mobilizer Coordinator SSA- SEMAM, Meghalaya, Shillong, u Sowat Laloo, District Mission Coordinator (SSA), East Jaiñtia Hills District, ka Camelia Wankhar, State Out of School Coordinator, ka Merilin Kharbangar, State IED Coordinator, u Kinnangbha Roy, Sate Planning Coordinator, u Joshwa Khriam, Assistant Planning Coordinator, u T. Challam, BMC, Khliehriat, wa ki khynnah na ki skur waphær waphær ka District.
U S.L. Lyngdoh da ong u wa ya kani ka sngi da lehwarom toh wow pynkynmoo ya ki paidbah yei myntoi yong i stat i tip khnang wa ka imlang sahlang u ye ko wow kyntu kynrong ya ka.
Da ong u leh wa i stat i tip man i iwa kongsan wow ye u yarap ya ki bru wow yoh khih yoh kreh ki neibhah khlem i stat ymye wow wanrah yei kylla ha ka pyrthai.
Ha kani ka sngi da pynman leh yei lai paidbah heiwa da rah leh ya ki kot rben wa da thoh ya ki kyntien hajrong ki myntoi na yong i stat i tip, i khooid i jngiar wa kyntu wow dam u pynemkaam ya ki Plastic.
Neiliang u kongsan da saam u leh ya ki khusnaam cha kiwa jop ha ki yakob waphær waphær.
Ka Rilutmon Syad, kawa man kam ka District Community Coordinator, SSA, East Jaiñtia Hills District Khliehriat da pynlai ko ya ka yalang wei da e ko leh ya ki kyntien e khublei.
Discussion about this post