Shillong: Ka World Rabies Day 2018 da lehwarom ya ka hajrong ka phang – Rabies: Share the Message. Save a life” ha Conference Hall, Mawryngkneng C&RD Block. Ya kani ka programme da pynman da ka Meghalaya Veterinary Services Association (MVSA), East Khasi Hills District Unit heiwa da pynman ya ka e dawai namo ka Vaccination Camp pyrchah ya i kjut Rabies wei da em leh ka Awareness Programme hajrong ka phang “Zoonotic Importance of Rabies”.
Ha i klam, u Dr. B K Dann, State Veterinary Consultant, IDSP da pyntip u wa ya ka World Rabies Day da lehwarom nadooh ka 2007 kawa man ka sngi yap yong u Louis Pasteur, uwa na France uwa man kam u Chemist & Microbiologist, uwa da chem ya i dawai Rabies Vaccine.
Da ong u wa ka Rabies man ko kawa ye u pyndooh sbak tangwa ym man ko kawa ye u sumaar wei ymtoh wow kheiñstiñ hadien wa chah dait ksaw.
Ya kani ka programme da pynlai da ka Dr. (Mrs). A Laloo, Chairperson, MVSA, East Khasi Hills District Unit hei emlang ki dkhot ka MVSA, kiwa kreh kani ka tnat wa kiwi kiwi.
Da pynman leh ya ka yakob quiz neibynta ki khynnah skur ha kani ka sngi.
Discussion about this post