Ynne ka sngi ka yung krehkaam Loomkyrwiang Urban Primary Health Centre & HWC, Jowai da pynman ko ya ka lehwarom ya ka sngi kyrpang ki bru wa da heh rta, namo ka International Day of Older Persons lyngba ka National Program For Health Care Elderly (NPHCE) hajrong ka phang Digital Equity for all Ages.
Ha kani ka sngi neiliang ka MO kani ka thaw sumaar ka Dr. R. Passah da ong ko wa kani ka sngi da lehburom ya ki bru wa da heh i rta kiwa da em 60 snem tam i rta wei ini i e sñiawbha ya ki le ngut toh kam i brurom wa da man ki kiwa nyngkong wa chim ya i tika yada COVID-19.
Da yoh leh i klam na u President ka Seiñraij Jowai, u OR Challam uwa da ekhublei ya ka sorkar wa da e ko ya i dawai tika ko ya ki paidbah wow yada na kani ka khlam.
Heijooh i por da kyntu u ya ki paidbah wow wan chaphrang wow chim ya ini i tika neibynta i chait i khiah wa kongsan tam ha ki bru.
