Da lehwarom yaka World AIDS Day hajrong ka phang wow yatylli wei wow em i ya kithkhlieh lang

Ynne ka sngi da lehwarom ya ka World AIDS Day ha ka jylla kam i dak wow kyrchaan wei wow e mynsien ya ki bru wa chah ktah ha u khñiang HIV wei wow kynmoo warom ya kiwa da khlaad na u AIDS. 

Ha uni u snem kani ka lehkmen da pynman ya ka hajrong ka phang (Theme) ‘Global Solidarity and Shared Responsibility’.

Kani ka lehwarom ynne ka sngi da pynman ya ka da ka Meghalaya AIDS Control Society (MACS) chirup wa ka Meghalaya State Legal Services Authority wei da pynman ya ka ha U Soso Tham Auditorium, Shillong.

Neiliang u kongsan ha kani ka sngi, u Sampath Kumar uwa man leh kam u Commissioner & Secretary, Health & Family Welfare Department, ka sorkar Meghalaya wa kam u President ka Meghalaya AIDS Control Society, Shillong da pyntip u wa ka Meghalaya em ko ha ka kyrdan (Rank) wa 5 heiyatoh wa i em kiwa chah ktah ha u HIV hapoh ka ri deiwa kheiñ na iwa boon ki bru hapoh ka jylla wei ha i kyrdan wa 2 heiyatoh wa i em kiwa yoh Syphilis nei yahaap kurim khamtam ha ki kynthai wa pun-khon katwa kamtæ emkaam bha wow pynman ya ki pynche wa i pynsñiawthooh paidbah hajrong kini waroh. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da kdaw u ya ka khlam COVID-19 kawa da wanrah yei emkaam u man ki bru kiwa syndong wei kiwa husiar deiwa yaroh leh ya ka NACO wa ka MACS hajrong ki kaam yong ki wow yakhun ya u HIV wei wow pynkut yei yoobeiñ ya kiwa chah ktah ha uni u khñiang kamjooh leh wow leh ya ki Test wei wow chah sumaar. 

Neiliang u N.A. Khan uwa man kam u District and Sessions Judge wa u Member Secretary ka Meghalaya State Legal Services Authority da klam yillu u hajrong ki kyndon wa yatoh wa kiwa chah ktah ha u khñiang HIV/AIDS.

Ha kani ka sngi da pynman ya ki yakob kam ka ‘Freestyle for 15’ kawa ha Instagram wei da pynlait ya i sur “Stand Up” wa thoh wei pynwandur da u Lamphang Syiemlieh wei da saam leh ya ki khusnaam yong ki yakob hajrong ka phang ‘Promote HIV Testing’.

Ya ka World AIDS Day da sdang ha u 1988 kam ka sngi wow pynkynmoo ya i yakhun pyrchah ya uni u khñiang wei wow kynmoo ya kiwa da khlaad na ini i kjut kamjooh leh wow burom ya kiwa embynta wow yakhun pyrchah ya uni u khñiang. 

Kiwi kiwa da klam ha kani ka sngi toh u F. Mylliemngap, Peer Educator uwa da klam hajrong i eh i khoo kiwa chah ktah ha uni u khñiang wei khamtam ki bru wa em hapoh ka LGBTQIA+ Community wa na ka Dr. (Mrs.) R. Allya, Project Director, Meghalaya AIDS Control Society, Shillong kawa da e ya ki kyntien pdiang burom.