Jowai: Ynne ka sngi da lehwarom yei dap chi snem ka Meghalaya Scout & Guide Fellowship-West Jaiñtia Hills District (MSGF-WJHD) ha yung yong ka R. Passah, Jowai.
Ha kani ka sngi da pynman leh ya ka Investiture Ceremony namo i pdiang ya ki dkhot wa thymme kawa ar yong ka ka seiñ.
Ya kani ka yalang da pynlai da ka Lahairoi Lamare, Secretary MSGF, WJHD, da yoh yei klam lamphrang na ka Rethelma Passah, President MSGF-WJHD, wei da rwai lang yei sur “Ri Khasi” da waroh ki dkhot ka seiñ.
Ya ki dkhot wa thymme ka seiñ da pynsmai ya ki da ka Lahairoi Lamare wei kini ki dkhot kynthup ki ya 4 ngut ki Chynrang wa 2 ngut ki kynthai.
Da yoh leh yei klam pynsñiawthooh hajrong i por wa kordor na u T. Blah wei da pynkut ya ka yalang da ki kyntien khublei na ka Julity Suchiang.
Discussion about this post