Ha ka 18 tarik uni u bnai da poor i video yong kawi ka kynthai Khasi na East Khasi Hills, Meghalaya kawa da chah dat ha ka tre yung wa kreh ko ha Nagpur, Maharashtra wei mar poor ini i video neiliang ki seiñbhalang, ki pulit wa ka National Commission for Women (NCW) da chimkhia ki wow yarap ya kani ka kynthai.
Hadien i krehlang ki pulit ka Meghalaya, ka Nagpur wa ka NCW da ye wow yarap ya ka wei ki pulit ka Nagpur da yah ki ka cha thaw sumaar wei da pynbiang ki leh ya i thaw sah wa chipor ya ka ha iwi i Hostel kynthai ha kani ka sorbah.
Ynnin kani ka kynthai da mih ko na Nagpur wei da lai ko cha Coimbatore heiwa kreh u kurim yong ka wei neiliang kini ki chijur ymbien ki wow ujor pyrchah ya ka tre yung neibhah da pynbait yasuk ki.
Neiliang ka tre yung leh da thied bai ticket lieñsuiñ ko ya kani ka kynthai wow lai na Nagpur cha Coimbatore.
Kam wow kdaw heini kani ka kynthai da lai kreh ko cha Nagpur lyngba kawi ka Agency thung kreh wa em ha Shillong.
Puræ Chooh: Chah dat ka kynthai kawa na Meghalaya ha ka tre yung ha Nagpur
Puræ Chooh: Chimkhia ka NCW wow pynlait ya ka kynthai Khasi ha Nagpur
Discussion about this post