U Montri ki kaam pohyung ka ri, u Amit Shah ha Rajya Sabha ynne ka sngi da ong u wa da maham namo wa da e Warning chwa ya ka sorkar Kerala chwa wow em i oor khyndaw ha Wayanad.
Ya ini da khana chi tayaaw chwa wow oor i khyndaw iwa da wanrah yei dooh hadooh 150 tylli ki mynsien wei da mynsoo palat 200 ngut.
U Amit Shah da ong u wa waroh wa klam chaphang ka Early Warning wei ha ka 23 tarik ka sorkar India da maham chwa ko ya ka sorkar Kerala, kamjooh da maham leh ha ka 24 wa 25 tarik wei ha ka 26 tarik da maham wa daw em u slap wa palat 20 cm heiwa ye u em i oor khyndaw wei ye ki bru leh wow yap.
Chooh chooh da pyntip u wa ka sorkar da pynlut ko palat Rs. 2,000 klur hadien u 2014 heiyatoh wa ka Early Warning System.
Da beiñ u leh ya ka sorkar u Pinarayi Vijayan ha Kerala wym chimkhia ko yeini, wei da phah leh ya ki NDRF (National Disaster Response Force) cha Kerala hadien wa hiar u slap.
Heijooh i por da pyntip u wa ka India toh kawi na ki 4 tylli ki ri wa ye u maham 7 sngi chwa wow jia i joor slap wa kiwi kiwi ki bor ka mariang.
Discussion about this post