Jowai : U District Magistrate yong ka East Jaiñtia Hills District, Khliehriat da pynkrehkaam u ya ka hukum hapoh ka kyndon Section 144 CrPC heiwa da mana ya ki bru wa tih mooyong thymme ki hapoh ka district kat wym pu yoh hukum thymme na ka Supreme Court næ na ka National Green Tribunal.
Da ong wa waroh ki truck toh u em ki ya ki Transportation Challan, Royalty Challan wa kiwi ki kot wa emkaam khamtam heipor wa pynhaap moo ki harood u sarok National Highway-44 wa kiwi kiwi ki sarok PWD.
Da maham leh wa lada chem ya kiwon kiwon kiwa leh pyrchah yeini u chah pynchitom ki katkam ka aiñ.
Ya kani ka hukum da pynmih hadien wa yoh yutip wa ki bru dang pteiñ ki u tih mooyong hapoh ka district wei wow noh harood u srood u sarok NH-44 wa ki sarok PWD.
Discussion about this post