Da mang hadooh 1.26 lak ngut wow yoh myntoi na i e dawai pyrchah ya u Ñiangpyrchit ha WJH

Jowai: Ynne ka sngi ki bor pynlai ka West Jaiñtia Hills chirup wa ka tnat i chait i khiah da pynman ki ya ka yachem wa kiwa pathai khubor ha kamra krehkaam u Deputy Commissioner hajrong i e dawai Measles-Rubella namo i kjut Ñiangpyrchit wa i Ñiangpyrchit German.

U DC ka District u L.S.N. Dykes Garod da ong u wa da dep pynman ya ka yalang pynsiawthooh paidbah yong ka Distrct Task Force hajrong i e ya ini i dawai hapoh district.

Ini i e dawai toh neibynta kiwa em hapyrdi 9 bnai hadooh 15 snem i rta hapoh ka District wei waroh kiwa da mang wow yoh yeini i dawai em ki 1.26 lak ngut.

U District Medical and Health Officer ka WJH u Dr. S.S. Nongbri, da pyntip u wa ini i e dawai namo wa tip leh kam ka Measles- Rubella Vaccination Campaign (MRVC) hapoh ka District u sdang i nadooh ka 24 tarik uni u bnai ha ki ar bynta heiwa ka bynta wa nyngkong u leh ha skur wei wow pynbood won ha ki chnong wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha ka 24 tarik u sdang kani ka e dawai toh na North Liberty Secondary School, Jowai.

Da pyntip wa da pynman leh ya ka pynsñiawthooh cha ki manbei manpa heiyatoh wa i myntoi yong ini i e dawai wei hapoh ki skur leh da em ki Nodal Teacher ki wow yarap wow pynsñiawthooh hajrong ini i kaam cha ki manbei manpa.

U Dr. Nongbri da pyntip u leh wa deiwa yoh ya kini ki dawai daw pyntikna leh wa ym yoh ya ka Conginental Rubella Syndrome namo i chah ktah hadien habood iwa neh rta hadien wa yoh Ñiangpyrchit.

Neiliang ka District Vaccination Officer, ka Dr. V.J. Laloo da pyntip ko leh wa daw em ka ka lai paidbah namo ka Rally ha ki ar sngi, itæ ha ka 19 wa 20 tarik heiwa ha ka 19 tarik daw em ka Rally na Kiang Nangbah Govt. College cha Madan Dai Masi, Ladthadlaboh katwa ha ka 20 tarik won na Thomas Jones Synod College cha Madan Jrisaleiñ, Chutwakhu. Kini ki Rally toh ki wow pynsñiawthooh hajrong kini ki kjut wa kammon u yoh yei yada.

Neiliang u R. Konel Phira ya uwa khut maya kam u Slæk da man kam u kam u Ambassador kani ka Campaign wei da kyntu u ya waroh wow chim kabu ki na kani ka e dawai neibhah wa i chait i khiah man i iwa kongsan tam ha waroh ki bru.

Ha kani ka sngi da emlang u Dr. S. Babu na ka WHO uwa man leh kam uwa pait yei rukom e ya kini ki dawai hapoh ki kattu katni ki district ka jylla kam ka West Jaiñtia, East Jaiñtia, South West Khasi Hills wa kiwi kiwi.