Shillong: Wow pynche pynsñiawthooh paidbah chaphang ka Measles-Rubella Vaccination ya kawa da mang wow e dawai ya palat 50,000 ngut ki khynnah kiwa hapyrdi 9 bnai hadooh 15 snem hapoh South West Khasi Hills ka yung krehkaam District Medical & Health Officer, South West Khasi Hills District da pynman ko ya ka Rally kawa sdang na Community Health Centre hadooh ha Multipurpose Hall, Deputy Commissioner’s Office, Mawkyrwat.
“Ka mynried yong ki khynnah chong i ha i doh i pran wa chait i khiah wa paka” da ong ka Isawanda Laloo, Deputy Commissioner South West Khasi Hills.
Da paan ko yei kyrchaan wa i yakrehlang yong ki manbei manpa, ki seiñbhalang, ki heh niam, kiwa sikai wa kiwi kiwi khnang wow pynman ya kani ka kaam kawa jop.
Hapoh ka district kani ka e dawai u sdang ko ha ka 24 Naikhynde ha waroh kawi ka district wow pyndooh pyndam ya u Ñiangpyrchit.
Discussion about this post