Da nang skem u yoh yei jop ka VPP ha Shillong katwa ka Congress ha Tura

Ha Shillong Parliamentary Constituency, ka VPP da nang skem ko hei luti yow poi noh chei jop heiwa u kyrtong yong ka, u Dr. Ricky AJ Syngkon da yoh u la 5,44,106 Vote deiwa tam da 3,57,260 Vote ya u kyrtong ka Congress, u Vincent H. Pala uwa yoh 1,86,846 Vote wei hei wa le da em ka kyrtong ka NPP, ka Dr. Mazel Ampareen Lyngdoh kawa yoh 1,78,385 Vote iwa mut da chah ieh da 3,65,721 Vote.

U kyrtong ka UDP, u Robert June Kharjahrin da em u hei wa soo deiwa yoh 43,043 Vote wei da bood da ki kyrtong samen, u Prof. Lakhon Kma uwa da yoh 17,638 Vote neitæ wan sa u Peter Shallam uwa yoh 6631 Vote.

Ka VPP da yoh 55.12% ki Vote, ka Congress 18.93%, ka NPP 18.07%, ka UDP won 4.36% katwa ki kyrtong samen da yoh ki 1.79% wa 0.67%

Ha Tura won, u kyrtong ka Congress, u Saleng A Sangma da pteiñ u wow tam deiwa yoh 3,78,738 Vote iwa da tam da 1,54,171 Vote ya ka kyrtong ka NPP, ka Agatha K Sangma kawa yoh 2,24,567 Vote.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Hei wa le da em u kyrtong ka AITC, u Zenith M Sangma uwa yoh 47,568 Vote deiwa chah ieh da 3,31,170 Vote katwa u kyrtong samen, u Labenn CH Marak da yoh u 6733 Vote iwa mut wa da em u da 3,72,005 Vote chadien katwa kiwa thap NOTA da em ki 5775 ngut.

U kyrtong ka Congress da yoh u 57.09% ka Vote, ka NPP 33.85%, ka AITC 7.17% katwa u kyrtong samen won 1.01%.