Da paan bor naka sorkar pyrdi yow pynlait na ki kyndon aiñ ya kiwa tih moo tih chyiap deiwa khian ha Meghalaya

U Montri Rangbah ka jylla, u Conrad Sangma da pyntip u wa i tih moo tih chyiap hapoh Meghalaya toh katkam ka aiñ Meghalaya Minor Mineral Concession Rules 2016 wei katkam wa dadep pynkylla ka katkam ka kyndon Section 15 ka Mines & Mineral Development & Regulation Act 1957, Central Act No. 67 of 1957.

Chooh chooh da pyntip u wa neibynta wow tih chyiap da em leh sa ki kyndon ka Sustainable Sand Mining Management Guidelines 2016 wa ka Enforcement & Monitoring Guidelines for Sand Mining 2020 kiwa da pynbna da ka Ministry of Environment Forest & Climate Change.

U Conrad da pyntip u leh wa neibynta ka aiñ Meghalaya Minor Mineral Concession Rules 2016, da klam ko hadooh katwon toh u heh ka thaw tih, katwon u yillu wei da e ya ka Permit deiwa kheiñ yeini tangwa ini da ktah ko ya kitu kiwa khih deiwa em ki thaw wa rap khian neibhah ka kyndon aiñ ong ko 2 Hectare chapoh, 5 Hectare wa kamtæ ter-ter.

Tangwa da chem wa kiwa boon kiwa tih toh yow pynemkaam hapoh ka chnong ka thaw, kamtæ da thung da ka Committee ha ka 16-09-24 deiwa emlang ki MLA kam ki dkhot wa na kiwi ki chnat sorkar kamjooh kiwa tih moo tih chyiap wei hadien wa dep u yachem ki la ar sien, da tyrwa toh wow em ka Traditional Quarry Permit ka wow suk u yoh deiwa emkaam u pynbiang ya ka Forest Clearance lada jia wa toh haap hapoh khloo wa ka NOC na u waheh chnong wow pyntikna wa ka thaw wa tih ymtoh kawa em i ya kajia yei mantre.

Related posts

Da ka Bike Rally pynman ha Shillong yow pynyoo yei kyrchaan ya ki chipai ka ri

May 12, 2025

Mynjur ki heh chipai ka India wa Pakistan wym siat chi kuli leh

May 12, 2025

Hajrong ini, da paan bor ka sorkar jylla na ka Ministry of Environment Forest & Climate Change yow pynlait noh wow emkaam u yoh Environmental Clearance lada man ki thaw tih kiwa khian (Traditional Method), wei em leh ki kyndon ka aiñ wa chah ya ka sorkar jylla wow paan bor yow pynlait na kam kini ki kyndon ka aiñ.

Kamtæ da ong u wa manda pynlait yeini daw pynsuk ko ya ki bru neibhah kamwa man kattæ hap ki wow pynbiang kiwa boon ki kot ki sla, wei i paan bor na ka sorkar India toh wow pynbna ko wa ka Traditional Mining ym kheiñ ka kam ka Mining Activity.

Heijooh i por da ong wa ini ym mut i wa da khang wow tih moo tih chyiap hapoh ka jylla neibhah kiwa yaleh Permit dang ye hi ki wow yaleh.

Yeini da jubab u Conrad yeiwa kylli, u MLA ka Mawryngkneng, u Heaving Stone Kharpran hapoh ka yung dorbar ynne ka sngi.