U montri ka chnat Public Health Engineering (PHE), u Marcuise N Marak da ong u wa ka chnat da kynjoh ko awjan chiteiñ na ki 6.51 lak tylli ki manyung wow pynpoi umkor heiwa katni da em 3.10 lak ki manyung wa yoh umkor iwa mut 47.69%.
Da ong u wa ka jylla toh kawi na kiwa pynkrehkaam bha ya ka Jal Jeevan Mission (JJM) wei da yoh chooh ko sa kamwa T. 400 klur na ka sorkar pyrdi neibynta u pynkrehkaam chooh ya kani ka Scheme.
Da pyntip u wa kattu da yoh ka jylla palat T. 3,000 klur wow pynkrehkaam ya ka JJM wei ka chnat u leh ko katwa joh i bor ko wow pynkrehkaam ya kani ka scheme.
Heijooh i por u montri da kyntu u leh ya i krehlang ki paidbah heiyatoh wa i pynkrehkaam ya kani ka scheme ha ki chnong yong ki.
