Da pdiang ka sorkar wow sdang ya ka scheme wow chna pynmiat ya ki sarok wa sih

Shillong: Ka dhab ki montri ka sorkar MUA-II ka jylla kawa yachem ynne ka sngi da pdiang ki wow chna ya ka Meghalaya Road Maintenance Policy (MRMP) neibynta wow pait wow pynchna ya ki sarok kiwa da jæd da pra hapoh ka jylla.

U Dr. Mukul Sangma da pyntip u ya ini hadien wa kut ka yalang ki dhab ki montri ka jylla ynne ka sngi.

Hadien wa ka sorkar da yoo ko yei ood ki paidbah da chim ko ya kani ka rai yow pynkrehkaam yei thrang ki paidbah.

Ka MRMP toh wow pynkrehkaam da ka tnat PWD wei daw sonteri ko yei pynkrehkaam yong ka MRMP.

Related posts

Hadien chi sngi wa wai chah khang ka khyrdop ka KHADC

May 20, 2025

Deiwa khut ka ISI lai u Gaurav Gogoi cha Pakistan: Himanta

May 18, 2025

U Dr. Mukul da pyntip u leh wa daw thung da ka Monitoring and Evaluation Management ka wow boodien yeini.

Kani ka Scheme daw pait ko ym du ya ki sarok ka sorkar jylla wei daw pait ko leh ya ki scheme wa em hapoh ka PMGSY.

Hei yatoh won wa ym ye ki Contractor u pynkrehkaam ya ka PMGSY, u Montri Rangbah da ong u wa em ki Contractor ki wym embor ki u pynkrehkaam ya kani ka Scheme heiwa em ki por da kreh ki ar le tylli ki sarok kamtæ ka sorkar daw pyntikna ko wa kreh ki du kawi donhi ka sarok wei kiwa kreh boon daw chah kyntait ki.