U Montri Rangbha ka jylla, u Conrad Kongal Sangma da khana u wa da phah ya ka chnat puræ puthi wa ya u Chief Secretary wow pait hajrong ki kynrum kynram wa da mih ha Pine Mount School, hadien wa da mih leh i dawa wow pyndam noh ya ka Principal wa katni.
U Montri Rangbah da pynsñiaw u yei sñiawkhia yei chah ktah ki khynnah na ini i kynrum kynram, deiwa ong wa ka sorkar ka chimkhia ko ya ini i kaam wa ka chnat puræ puthi wei da bichaar bniah ko ya iyi wa jia.
Hawa yatoh wa i thung ya ka takit hajrong i pynbaad pynemkaam bakla ya ka poisa yong ka skur, da ong wa ym man iwa suk wow rai thung da ka takit, tangwa lada chem wa em sakhiat i leh thok wa hap wow tih bniah, ye ka sorkar wow pyrkhat da kamwi.
