Da phah ka sorkar ya ka tarik pynman Election MDC cha JHADC wa KHADC

Ka sorkar jylla ynne ka sngi da tyrwa ko ya ki tarik neibynta wow pynman noh ya ka Election MDC ha ki ar tylli ki Autonomous District Council (ADC), kitæ ha Khasi Hills Autonomous District Council (KHADC) wei kamjooh leh ha Jaiñtia Hills Autonomous District Council (JHADC) wei kattæ da phah cha u Lat ka jylla, u CH Vijayashankar wow yoh yei mynjur.

Hawa klam wa ki laad pathai khubor hadien wa da kut ka yalang yong ki Montri, neiliang u Montri Rangbah ka jylla, u Conrad K Sangma da khana u wa hadien wa ya ki tarik Election dadep wow pdiang da ki Montri wei dang yang kattu sa yei mynjur na u Lat ka jylla hachwa wow pynbna noh ya ki tarik.

U Conrad da ong u leh wym pu ye wow khana chwa ya ki tarik kiwa da tyrwa kat wym pu yoh yei mynjur na u Lat. 

Related posts

Mih ki hajar ngut ki paaid ka chnong Jowai dei chit mynsien yow pdiang ya u snem thymme

January 1, 2026

Chah dung wei chah thang sa uwi u Hindu ha Bangladesh

January 1, 2026

Ka samoi krehkaam yong ka KHADC wa JHADC dadep kut ko la chi snem kattu tangwa neidaw wa hap wow pynbait thymme ya ki Constituency, neiliang ka sorkar jylla da pynyinsur ko hadooh arsien ya ka samoi krehkaam yong ki wei ini daw kut noh ko ha ka tayaaw wa nyngkong u Wisu (Mar), 2025 ha ka 5 tarik.