Shillong: Hadien wa yoh yaka Report na u Incident Commander, Zone-I wa na u Medical Officer In-Charge Nongthymmai UPHC wa em kiwa yoh COVID-19 ha ka Bank of India, Lumsohphoh Branch.
Kamtæ ka District Magistrate, East Khasi Hills District da pynmih hukum ko ynne ka 8 tarik yow phah khang chi por yaka Bank of India, Lumsohphoh Branch nadooh 9 tarik uni u bnai hadooh ka 11 tarik uni u bnai yow ye u leh yaka Contact Tracing, Sanitization wa Testing.
Ha kawi won ka hukum, neidaw wa em wa yoh COVID-19 wei da em leh kiwa em hei maa wow yoh ya uni u khñiang ha ka Ground Floor i yung (Building) ka J Lyngdoh, Howell Road, Laban, ha i yung ka N. Marwein, Lawsohtun Block 5 wa i yung u Remewell Marpna ha Lower Mawprem, kamtæ yow ye u leh yeiwa emkaam, ka District Magistrate, East Khasi Hills District da pynmih hukum ko ynne ka 8 tarik yow pynbna ya kini ki yung kam ki Micro Containment Area nadooh ynne ka 8 tarik yow khang yei psiah i mih khlem da yoh bor cha kini ki thaw.
