U DC ka West Jaiñtia Hills District da pynmih hukum u ynne ka sngi yow phah khang ya ki yaw wa em ha Jowai nadooh pyrdi synyaw ka 2 tarik u Naisaphra (Aug), 2021.
Ya kani ka hukum da pynmih neidaw wa kiwa yoh ya u khñiang khlam da em ki 15% na kiwa chah Test kawa tip leh kam ka Positivity nadooh ka 22-07-21 hadooh ka 28-07-21 kamjooh leh wa boon kiwa yap.
Ya ka hukum da pynmih leh neidaw wym bien ki bru wow chim yei tika kamjooh wa kyntait ki wow chah Test, kamtæ da emkaam wow pynrkhiñ ya ki kyndon wow kdoh u khoom yei poor u khñiang khlam.
Ki yaw wow man kiwa khang toh ya ka Iawmusiang, Yaw Chyiap (JPC Market), Yaw Chor (CNI Market), Iawthymme, Ladthadlaboh wa ka Yaw Seiñraij Jowai.
U SP ka West Jaiñtia Hills District u pyntikna u wa da pynkrehkaam ya kani ka hukum.
