U District Magistrate ka West Jaiñtia Hills da pynmih hukum u ynne ka 1 tarik yow pyntip wa ka yung krehkaam u District Transport Officer, Jowai, u man ko kawa khang nadooh ka 2 tarik hadooh 8 tarik uni u bnai.
Ya ini da leh neidaw wa em 1 na ki wakreh u DTO da yoh ki ya u COVID-19 wei da em leh kiwa em hei maa wow yoh ya uni u khñiang hapoh kani ka yung krehkaam.
Kamtæ da phah ya kitu kiwa lai cha ka yung krehkaam u DTO wow leh ki ya ka Home Quarantine wa 7 sngi, deiwa paitbniah yei long i man i chait yong ki deiwa deiñ leh ya ki Mask, u yajnai na kiwi (Social Distancing) wei wow sait-kti dei langær.
Ha ini i por wa leh Quarantine lada em kiwa yoh yei iñdoh, i ky’oh wei i chitom wow riñ mynsien; hap ki wow kset ya idæ samen wei wow pyntip wut wut cha u Waheh Chnong.
