Shillong: Neidaw wa da pynkrehkaam yaka Curfew da ka District Magistrate, East Khasi Hills District hapoh ka Section 144 CrPC ha Shillong wa ki thaw wa em cha jan nadooh 6 waje i step ka 13 tarik hadooh ka 6 waje i step ka 15 tarik uni u bnai.
Kamtæ ka Deputy Commissioner (Excise), East Khasi Hills da pyntip ko wa ka hukum wow wai ki dukan dai kiad (Winestores wa Bonded Warehouse) ha waroh ki thaw Municipal, ki thaw Cantonment, waroh ki thaw wa haap hapoh Mawlai wa Mawpat Blocks wa ki Census Town, ki thaw wa em hapoh ka Mylliem Block nadooh ka Umshyrpi Bridge hadooh 7 Mile Upper Shillong, Madanrting, Mawblei, Laitkor, Nongkseh, Umlyngka, Lawsohtun wa Mawdiangdiang man ko kawa da pyndam hadooh wa pynmih hukum da kamwi.
Tangwa da pyntip ka Deputy Commissioner (Excise), East Khasi Hills District wa ki Winestore wa Bonded Warehouses kiwa haap cha ki thaw wa palat sor ka East Khasi Hills District u pteiñ ki wow wai deiwa bood yaki kyndon wa da booh da ka Health and Family Welfare Department, Government of Meghalaya heiyatoh wa u COVID-19.
Kam wow pynkynmoo wa ynnin da pynmih hukum wa ki dukan dai kiad kiwa em ha Shillong u man hi ki kiwa wai.
