Hadien wa pynmih hukum wow khang ya ki skur wa em hapoh ka West Garo Hills District ynne ka sngi, hadien ini won da pynbood won sa ka East Garo Hills District waka South Garo Hills.
Ya kani ka hukum da pynmih neidaw wa joor i chit hapoh ki East Garo Hills District, kamtæ da phah ya waroh ki skur Primary, Middle, Secondary wa Higher Secondary wow man ki kiwa khang nadooh 8:00 waje i step hadooh 3:00 waje i sngi nadooh ka 19 tarik uni u bnai hadooh ka 21 tarik uni u bnai.
Tangwa ki skur wa pynman dei janmiet wa kiwa pynman dei meit u wai ki kamwa jooh hi.
Ya kani ka jooh ka hukum da pynmih leh ha South Garo Hills yow khang ya ki skur ha ki jooh ki sngi wei heijooh i por wa ka tarik.
Ha North Garo Hills won da phah ya ki skur wow wai ki nadooh 7:00 waje i step hadooh 12:00 waje pyrdi sngi nadooh ka 19 tarik hadooh wa pynmih hukum da kamwi.
Puræ leh: U khang lut ki skur ha West Garo neidaw wa joor i chit
