U District Magistrate ka West Garo Hills District da pynmih hukum u ynne ka sngi wow phah khang ya waroh ki skur wa kiwi ki thaw puræ wa em hapoh Tura nadooh ka 28 tarik uni u bnai hadooh ka 8 tarik u bnai wow wan.
Kini ki skur wa hap khang u kynthup ki leh ya ka St. John Secondary School, Chibragre wa Auxillium Secondary School, Alotgre. Tangwa kitu ki thaw kiwa pynman ya MBOSE Exam u pteiñ ki ya ini deiwa bood ya ki kyndon yada COVID-19. Waroh ki thaw puræ u pynman ki ya ka e sikai lyngba ka Online.
Nadooh ka 28 tarik uni u bnai waroh ki dukan wa em ha Tura toh u khang ki heipor 7:00 waje i miet katwa haka sngi Bibar hap wow khang waroh chi sngi. Chah hi won wow krehkaam kitu wa leh ya ka Home Delivery wa kynthup ya kiwa dai dawai.
Ka Night Curfew u krehkaam ko nadooh 10 waje i miet hadooh 5 waje i step hapoh waroh kawi ka District.
Ya kani ka hukum da pynmih neidaw wa boon kiwa yoh COVID-19 kiwa liwan na kiwa boon ki jylla wa kynthup ya kitu kiwa pynkrehkaam yaka Lockdown wa kiwa em boon kiwa yoh ya uni u khñiang.
