Shillong: Neidaw wa em kiwa yoh COVID-19 kamjooh wa da em kiwa em hei maa wow yoh ya uni u khñiang ha yung u Robin Laloo, Block-II, Upper Lachumiere, ha Eee Cee Bakery wa ki thaw sah ki wakreh ha Hopkinson Road, Lower Lachumiere, kamtæ da emkaam wow leh yeiwa emkaam yow lait i poor kani ka khlam.
Ka District Magistrate, East Khasi Hills District, da pynmih hukum ko ynne ka 21 tarik yow pynbna Micro Containment ya kini ki thaw nadooh ynne ka sngi yow khang nei psiah i mih khlem yoh bor cha wei na kini ki thaw.
Neidaw leh wa ki baam wa dai ha E.C. Restaurant, Dhanketi toh kiwa na Eee Cee Bakery, ka Deputy Commissioner, East Khasi Hills District da phah kahng ko leh yaka E.C. Restaurant, Dhanketi hadooh wa pynmih hukum da kamwi.
Na ki jooh ki daw wa em wa yoh COVID-19 wei yow ye u leh ya iwa emkaam, ka District Magistrate ka East Khasi Hills da pynbna Micro Containment Area ko ya i yung u J. Myrthong, Laban Masjid Road iwa em pyrchah ya i Elswer School, i yung ka (L) D. Wahlang, Howell Road, Laban nadooh ynne ka 21 tarik.
Ha kawi won ka hukum da pyndam yaka hukum wow pynman Containment Area nadooh ynne ka 21 tarik ya i yung u Pradeep Chakraborty (uwa chong wai) ha i yung u K. Pal, Lower Harisabha, Laban, i yung (First Floor) ka G. Rani, ABP Road, Iewdak, Laban, Shillong wa i yung (First Floor) ka A.M. Rynjah, Madan Laban (Shilliang).
