Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang kamjooh yow ye u leh yeiwa emkaam yow yada nei poor uni u khñiang.
Ka District Magistrate, East Khasi Hills District da pynmih hukum ko haka 14 tarik uni u bnai yow pynbna ya i Rosibon Villa wa me ha Qualapatty, i House No 203/3 wa em ha Pine Walk hajan Lady Keane College, i yung ka Persara Lyngdoh, Jaiaw Lumbatemon, i South Side Servants Quarters ha Ferndale Apartments, IGP, W-304, Ferndale Apartments, IGP, i yung u Dilip Chakraborty (uwa chong wai), R.G. Villa wa em ha Riat Laban West, i yung ka Tullina Sharma ha Riat Laban East wa em pyrchah yaka thaw wa em ka Water Tank wa i yung (Flat) u Dr. R. Gurung, Pala Building ha Madan Laban (Shiliang) yow man ki kam ki Micro Containment Area yow khang yei psiah i mih khlem yoh bor cha kini ki thaw.
Ha kawi tawon ka hukum wa pynmih haka 14 tarik uni u bnai neidaw wa em wa yoh COVID-19 wei yow ye u leh yeiwa emkaam, ka Deputy Commissioner, East Khasi Hills da phah khang ko chipor yaka Indian Overseas Bank Branch, Morello Building, M.G. Road hadooh wa pynmih hukum da kamwi.
Neidaw won wa em wa yoh COVID-19 wa psiah ha dukan Sharma Bros, Police Bazar Shillong, da pynmih hukum wow phah khang chipor ya katai ka dukan hadooh wa pynmih hukum da kamwi.
Ha kiwi won ki hukum da pyndam yei pynman Containment Area ya i yung ka Tri Shabong ha Lawsohtun Block 2 (Lumpdeng), i Kali Mandir, Qualapatty, Flat No-104 ka Ferndale Complex, Shillong, Riat Laban East wa St. John Area wa em ha Madan Laban chisyndon.
Hadien won wa da dep wow leh yeiwa emkaam da chah biang wow krehkaam i yung krehkaam u Sr. Superintendent of Post Offices, Meghalaya Postal Division, Shillong chi syndon deiwa bood yaki kyndon.
