Heiyatoh wa i oor i kynroh ha ka madan yalehbol wa em ha P.A. Sangma Sports Complex, Tura ynne i step, neiliang u Commissioner & Secretary ka chnat Sports & Youth Affairs da pyntip wa ini da jia i neidaw wa joor u slap wei ym em wa mynsoo ha ini wa jia.
Kani ka Football Stadium man ko kam chi bhah ka P.A. Sangma Sports Complex kawa dang dep wai ynnin u snem ha u Kmaichonglad wei kiwi ki bynta kani ka Sports Complex toh kiwa dang pynchna wa kynthup lang ya ka Indoor Stadium.
Kani ka Football Stadium toh kawa chniam hadooh 9500 ngut ki bru katwa ki ar tylli ki Indoor Hall toh kiwa dang chna hei thaw wa heh 10,544 sq.m wei i lut wow chna ya ini waroh toh iwa T. 127.7 klur.
Ya kani ka Sports Complex toh kawa da chna katkam ki kyrdan yow ye u pdiang ya kiwa yalehke wa wan na baar ri wa na kiwi ki jylla.
Yei kreh kani ka thaw da pynkreh da ka Hindustan Steelworks Construction Limited kawa man ka chnat ka sorkar India hapoh ka Ministry of Housing and Urban Affairs.
Waroh ini i kreh toh iwa da dep bichaar chwa yow man kiwa bha wa miat deilang wa ini i kynroh (Retaining Wall) da ki bru wa chemphang.
Yei daw wa oor chi bynta ini i kynroh dang takit da u Deputy Commissioner, West Garo Hills District.
Da em leh ki Engineer na ka State Sports Council ka Meghalaya, Shillong kiwa da poi cha kani ka thaw yow pynman yei yong ki hi i takit. Kamwa man kattæ da dep pynkhooid ya iwa oor wa haap wei i pynchna thymme leh u sdang noh i chisyndon.
