Shillong: U Montri Rangbah u Conrad K Sangma da ong wa da phah takit ha u DGP hajrong wa jia wa chah dat ki Dkhar ha i por wa lai ki dkhot ka KSU wow lehkmen yei chah tynyap ka CAB ha Rajya Sabha ha ka 13 tarik.
Da ong u wa da yaklam u wa u DGP wow takit ya ini i jia wei ka aiñ u lai ko ka yong ka hi ka luti ya kiwa tynkheiñ ya ka.
Ha i jooh i por, da ong u wa ka sorkar ka kwah ko wow wanrah da ka rukom krehkaam kawa skem wow pait bniah yei wan psiah ki bru wa na baar neibhah wa khlem ka aiñ kawa ym skem, ym ye wow pynkrehkaam ha ka rukom wow jop.
Da ong u waka thaw psiah thaw mih man ko ka rukom krehkaam ka aiñ kam ka ILP ka wow man kam ka stieh ya ini.
Da ong u leh wa ka sorkar ka haap ko wow bichaar bniah hawa wanrah ya ki aiñ khnang wa ym ktah ko ya kiwi kam ka kaam uiñke suwari wa kiwi.
Da pynkut u deiwa ong i chna ya ki thaw psiah thaw mih dang lai ko chaaid chaaid wei da dep leh ha Mendipathar Railway station, wei ym slem de wa u montri ka kaam pohyung wa u montri ka kaam pynroi sor daw lai sylli ki cha Mendipathar.
Also Read: Mynsoo 5 ngut ha i lehkmen wa pyndam ya ka CAB ha Shillong
Discussion about this post