Ka sorkar Meghalaya lyngba ka chnat Puræ Puthi da pynbna ko ynne ka sngi wa ki Class I-V kiwa em ha Shillong wa ki khapsor Shillong (Shillong Urban Agglomeration) u pteiñ ki ya ka Online Class hadooh wa pynbna da kamwi.
Katwa ki Class VI-XII u pynman noh ha skur chisyndon ha waroh kawi ka jylla.
Kini hap ki wow bood ya ki kyndon yada na u COVID-19 wei emkaam wow yoh bor na ki bei ki pa chwa wow wan cha ki skur.
I man skur toh u man ko 3-4 kynta donhi chi sngi deiwa khlem pynman ya kiwon kiwon ki jait pynwyrngia wa ki yalehke Sports.
Heijooh i por leh ye wow pynman ya ka Online Class.
Ki DC da e bor ya ki wow pait lada hoi wow wai ya ki skur yow jied ki wow phah pynman daka Online lane Offline Class deiwa yaklam wa ki heh ka chnat i chait i khiah.
Ye leh wow chna da ka Task Force Committee wa khlieh da ki Deputy Commissioner yow pait hadooh katwon man chngaaiñ wow wai ya ki skur.
